බත්තරමුල්ල දියත උයන පරිශ්‍රය පසුගිය සතියේ කර්මාන්ත පුරයක සිරි ගත්තේය. එක් තැනක අල්මාරි, පුටු, මේස ඇතුළු නවීන මෝස්තරයේ ගෘහ භාණ්ඩය. තවත් තැනක ලී කැටයම් නිර්මාණය. යකඩවලින් තැනුණු ගෘහ භාණඩ, මුළුතැන්ගෙයි උපකරණ, බිත්ති සැරසිලි, ඉදල් කොසු හැඳි, මැටි භාණ්ඩ පාපිසි, අත්යන්ත්‍ර රෙදිපිළි මෙකී නොකී දහසකුත් දේය. තවත් තැනෙක ඉරිදා පොළ වගේය. බෝංචි, මෑ, වට්ටක්කා පිපිඤ්ඤා, කැරට්, ගෝවා, අල, බතල, මඤ්ඤොක්කා පලාවර්ග ඇතුළු භෝග රැසක් අලෙවිය පිණිස තබා ඇත්තේය.
වෘත්තීය පුහුණු කුසලතා මට්ටමේ (NVQ) සහතික ලබා අදාළ කර්මාන්තයන්හි නිපුණයන් බවට පත්වී ඇති මෙම රැඳවියන්ගේ දෑතින් නිමවී ප්‍රදර්ශනයට එක්වී තිබූ නිර්මාණ, නිෂ්පාදන සාමාන්‍ය වෙළෙඳපොළේ මිල ගණන්වලට වඩා ඉතා අඩුවෙන් අලෙවි වූ අතර මහජනතාව අතර ඒවා ‘උණු කැවුම්’ මෙන් විකිණී ගියේ යැයි කීම අතිශයෝක්තියක් නම් නොවේ.
මේ සියලු නිෂ්පාදන සහ නිර්මාණයන්හි අයිතිකරු‌වන් සිරකරුවෝය.මේ නිර්මාණ, නිෂ්පාදන එක වහලක් යටදී මිලදී ගැනීමට මහජනතාවට හැකිවූයේ දියත උයනේ පසුගිය 15දා පැවැත්වූ , රැඳවූවන්ගේ නිර්මාණ ඇතුළත් සිරසර ශිල්ප 2025 කර්මාන්ත හා අලෙවි ප්‍රදර්ශනයේදීය. ශ්‍රී ලංකාවේ බන්ධනාගාර 28ක රැඳවියන් මේ ප්‍රදර්ශනය සඳහා දායකවී තිබිණි.රැඳවූවන් බන්ධනාගාරයන්හි පුනරුත්ථාපනය වන කාලසීමාව තුළදී ඔවුන් විසින් සකස් කරන ලද පුටු, මේස, අල්මාරි, ඇඳන්, පොත් රාක්ක, කණ්ණාඩි මේස, බිත්ති රාක්ක, වැනි දැව භාණ්ඩ, කැති රේක්ක, අත් සවල්, අත් මුල්ලු, පිහි, පහන් ඇතුළු කම්මල් භාණ්ඩ, අත්යන්ත්‍ර සාරි, ඇඳ ඇතිරිලි, රෙදි පැන්සල් කේස්, රෙදි පාපිසි, අත් පිස්නා ඇතුළු මැහුම් නිර්මාණ, කාබනික පොහොර, සහල්, කැවිලි වර්ග, බඩඉරිඟු, එළවළු වර්ග සහ පලා වර්ග, මදුරු දැල්, සාරි, බිත්ති ලාම්පු, මේස ලාම්පු, ඉරටු ඉදල්, අඩ සඳ පාපිසි, ලෑලි පාපිසි, දූවිලි පිස්නා ඇතුළු කොහු ආශ්‍රිත නිෂ්පාදන, සහල්, කැවිලි වර්ග ඇතුළු තවත් නිෂ්පාදන රැසක් මෙහිදී ඉතා පහසු මිලට මිලදී ගැනීමේ අවස්ථාව හිමිවුණි.
වෘත්තීය පුහුණු කුසලතා මට්ටමේ (NVQ) සහතික ලබා අදාළ කර්මාන්තයන්හි නිපුණයන් බවට පත්වී ඇති මෙම රැඳවියන්ගේ දෑතින් නිමවී ප්‍රදර්ශනයට එක්වී තිබූ නිර්මාණ, නිෂ්පාදන සාමාන්‍ය වෙළෙඳපොළේ මිල ගණන්වලට වඩා ඉතා අඩුවෙන් අලෙවි වූ අතර මහජනතාව අතර ඒවා ‘උණු කැවුම්’ මෙන් විකිණී ගියේ යැයි කීම අතිශයෝක්තියක් නම් නොවේ.
යම් අයකු බන්ධනාගාරගත කළ මුල්ම දිනවලදී අපට හමුවන්නේ නොහික්මුණු පුද්ගලයෙක් ලෙසයි. හික්මීමක් නොමැතිව බන්ධනාගාරගත වන මේ පුද්ගලයින් හික්මීමක් සහිත මෙන්ම රටට වැඩදායී පුද්ගලයකු බවට පත්කිරීම බන්ධනාගාරය තුළින් අප අරඹනවා. එහිදී මේ රැඳවුවා හෝ රැඳවූ කාන්තාව හොඳ වෘත්තිකයකු කිරීමට අප මුල පුරනවා. ඔහු හෝ ඇය නිදහස ලබා යන විට රටේ ආර්ථිකයට දායක කළ හැකි පුද්ගලයකු බවට මේ අය පත් වී සිටිනවා. මේ පුහුණු නිලධාරීන් සතු වෘත්තීය දැනුම ඉහළයි. රැඳවූවන්ට ඒ දැනුම නොමසුරුව ලබා දෙන්නට අප සූදානම්.
දකුණේ බන්ධනාගාර රැඳවූවන් විසින් වගා කර අලෙවියට තැබූ නැවුම් සහල් පාරිභෝගිකයන් ඉතා විශ්වාසයෙන් මිලදී ගත්තේ වස විස නැති නියම දේශීය සහල් වූ බැවිනි. එමෙන්ම ඉතා අඩු මිල ගණන් යටතේ අලෙවි වූ එළවළු, පලතුරු ද මහජනතාව මිලදී ගත්තේ අඩු මිල ගණන් නිසාම නොව ඒවා වස විස නැතිව දේශීය කොම්පෝස්ට් පෙහොර යොදා සරු බිම්වල වගා කර ඇති භෝගයන් බැවිනි. මෙම 15 -17දා දක්වා තෙදිනක් පුරා පැවැත්වුණු සිරසර ශිල්ප ප්‍රදර්ශනයේදී බන්ධනාගාර දෙපාර්තමේන්තුව ලද ආදායම රුපියල් ලක්ෂ 60 ඉක්මවා ඇත. මෙයින් වැඩිම ආදායම් ඉපැයූ බන්ධනාගාර අතරට දුම්බර සහ මහර බන්ධනාගාර (රුපියල් ලක්ෂ 07 ඉක්මවවූ ආදායමක්), වෑලිකඩ බන්ධනාගාරය (රුපියල් ලක්ෂ 6.5 ඉක්ම වූ ආදායමක්) පල්ලෙකැලේ (රුපියල් ලක්ෂ 5.5 ඉක්මවවූ ආදායමක්) එක් වී තිබේ. මෙම ආදායමෙන් වැඩි කොටසක් ඍජුවම රජයට බැර කෙරෙනු ඇත. සිරකරු දෑතින් මැවුණු විස්කම් නිර්මාණවලට බන්ධනාගාරය තුළදී මූලික මඟපෙන්වන්නේ බන්ධනාගාර පුහුණු උපදේශකවරුන්ය.සිරසර ශිල්ප ප්‍රදර්ශනයේදී අදහස් දැක්වූ බන්ධනාගාර වෘත්තීය පුහුණු උපදේශකවරුන්ගේ සංගමයේ ලේකම් සී.පී.කේ. රඹුක්වැල්ල මහතා පැවසුවේ යම් වරදකට සිපිරිගෙට පැමිණියද මෙම රැඳවූවන් සතු කුසලතා බොහොමයක් වන බවයි.යම් අයකු බන්ධනාගාරගත කළ මුල්ම දිනවලදී අපට හමුවන්නේ නොහික්මුණු පුද්ගලයෙක් ලෙසයි. හික්මීමක් නොමැතිව බන්ධනාගාරගත වන මේ පුද්ගලයින් හික්මීමක් සහිත මෙන්ම රටට වැඩදායී පුද්ගලයකු බවට පත්කිරීම බන්ධනාගාරය තුළින් අප අරඹනවා. එහිදී මේ රැඳවුවා හෝ රැඳවූ කාන්තාව හොඳ වෘත්තිකයකු කිරීමට අප මුල පුරනවා. ඔහු හෝ ඇය නිදහස ලබා යන විට රටේ ආර්ථිකයට දායක කළ හැකි පුද්ගලයකු බවට මේ අය පත් වී සිටිනවා. මේ පුහුණු නිලධාරීන් සතු වෘත්තීය දැනුම ඉහළයි. රැඳවූවන්ට ඒ දැනුම නොමසුරුව ලබා දෙන්නට අප සූදානම්. එම පුහුණුවෙන් ලද දැනුම සිරසර ශිල්ප ප්‍රදර්ශනයේදී දැකගත හැකිවුණා. යැයිද රඹුක්වැල්ල මහතා කියයි.
සිරසර ශිල්ප ප්‍රදර්ශනයට දායක වූ දහස් සංඛ්‍යාත රැඳවූවන් නියෝජනය කරමින් ඒ ඒ බන්ධනාගරයන්ගෙන් රැඳවූවන් කිහිපදෙනකු මෙම ප්‍රදර්ශනයට එක්ව සිටියේය. ඔවුන් බොහෝ දෙනා මත්ද්‍රව්‍ය වැරදි හේතුවෙන් සිරදඬුවම් විඳින්නන්ය. මත්ලෝලීව ගෙවූ ඒ අමිහිරි අතීතය මකා දමමින් වෘත්තීයමය නිපුණතා ලබා (NVQ) සහතිකලාභීන් අතරට එක්වන ඔවුන් වඩුවැඩ, අත්යන්ත්‍ර රෙදි විවීම පුහුණුව, භෝග වගා ක්‍රම පිළිබඳ අධ්‍යයනය, කෘෂිකාර්මික කටයුතු සඳහා අවශ්‍ය පොහොර සැකසුම් විධී, ලියවන පට්ටල් පුහුණුව, මැහුම් පාඨමාලා හැදෑරීම මේ ආදී කර්මාන්ත රැසක් පිළිබඳ ලැබූ හසල දැනුම, නිදහස ලබා ගිය දිනෙක ජීවිතයේ ඉදිරි කාලය නි‍ෙවසටත් රටටත් බරක් නොමැතිව ගෙවා දැමීමට හොඳ මංපෙතක් වී තිබේ. බන්ධනාගාර කොමසාරිස් (පුනරුත්ථාපන) හා මාධ්‍ය ප්‍රකාශක ජගත් වීරසිංහ මහතා මේ ප්‍රදර්ශනය පිළිබඳව අදහස් දක්වමින් ප්‍රකාශ කළේ සියලුම රැඳවූවන් පුනරුත්ථාපනය කර වෘත්තීය නිපුණතා සහතික ලබාදී ඔවුන් වැඩදායී පුද්ගලයන් බවට පත් කරන බන්ධනාගාර පුනරුත්ථාපන ක්‍රියාවලියේ සුවිශේෂී පියවරක් ලෙස සිරසර ශිල්ප – කර්මාන්ත ප්‍රදර්ශනය හැඳින්විය හැකි බවයි. බන්ධනාගාර කොමසාරිස් (කර්මාන්ත) සේනක පල්ලෙතැන්න මහතා අදහස් දක්වමින් ප්‍රකාශ කළේ ශ්‍රී ලංකාවේ බන්ධනාගාරවල සිරදඬුවම් විඳින රැඳවූවන් 9200ක පමණ ප්‍රමාණයෙන් 60%ක් පමණ මෙම කර්මාන්ත ප්‍රදර්ශනයට තම නිර්මාණ දායක කළ බවයි.
මෙම ප්‍රදර්ශනයට ඉදිරිපත් කර ඇති රැඳවූවන්ගේ නිර්මාණ හා නිෂ්පාදන වෙළෙඳපොළේ පවතින මිල ගණන්වලට වඩා ඉතා අඩුවෙන් මහජනතාව වෙත අලෙවි කළ බවත්, ඒම නිෂ්පාදනයන් සඳහා පාරිභෝගිකයන් වෙතින් ඇණවුම් භාර ගැනීම ද සිදු කළ බවත් කී පල්ලෙතැන්න මහතා මෙම ප්‍රදර්ශනය සාර්ථක කර ගැනීම සඳහා උපදේශකත්වය සැපයූ අධීකරණ හා ජාතික ඒකාබද්ධතා ඇමැති නීතිඥ හර්ෂණ නානායක්කාර මහතා ටත් අමාත්‍යාංශ ලේකම් ජනාධිපති නීතිඥ, අයෙෂා ජිනසේන මහත්මියටත් බන්ධනාගාර කොමසාරිස් ජනරාල් නිශාන් ධනසිංහ මහතාටත් බන්ධනාගාර දෙපාර්තමේන්තුව වෙනුවෙන් සිය ස්තූතිය පළ කර සිටියේය.
බුද්ධිකා ඉඹුලාන
dinamina
