ශ්‍රී ලංකාවේ ආර්ථික ප්‍රකෘතියට සහාය වීම සඳහා ලෝක බැංකුව ඇමරිකානු ඩොලර් බිලියන 1ක් පොරොන්දු වී ඇති අතර, බලශක්තිය, කෘෂිකර්මාන්තය, සංචාරක ව්‍යාපාරය සහ කලාපීය සංවර්ධනය වැනි ප්‍රධාන අංශවල රැකියා නිර්මාණය කිරීම සහ නවීකරණය කිරීම අරමුණු කරගත් පෞද්ගලික අංශයේ ප්‍රමුඛ ආයෝජන කෙරෙහි වැඩි වශයෙන් අවධානය යොමු කරයි. වසර තුනක් පුරා ලබා දීමට නියමිත අරමුදල් පැකේජය, විශේෂයෙන් පුනර්ජනනීය බලශක්තිය සහ කෘෂි ව්‍යාපාරවල සැලකිය යුතු පෞද්ගලික ප්‍රාග්ධනයක් විවෘත කරනු ඇතැයි අපේක්ෂා කෙරේ.
උදාහරණයක් ලෙස:
- සූර්ය හා සුළං ව්‍යාපෘති සඳහා ඩොලර් මිලියන 185ක් මගින් පෞද්ගලික ආයෝජන සඳහා ඩොලර් මිලියන 800ක් උපයෝගී කර ගැනීමට ඉලක්ක කරයි.
- කෘෂිකර්මාන්තය සඳහා ඩොලර් මිලියන 100ක් ලබා දෙන්නේ ගොවීන්ට නව තාක්ෂණයන් අනුගමනය කිරීමට සහ පෞද්ගලික ප්‍රාග්ධනය ආකර්ෂණය කර ගැනීමට උපකාරී වීමටයි. එමඟින් කෘෂි ආහාර නිෂ්පාදකයින් 8,000ක් ඇතුළුව 380,000කට අධික පිරිසකට ප්‍රතිලාභ සැලසේ.
- ස්වභාවික හා සංස්කෘතික වත්කම් ආරක්ෂා කිරීම සහ රැකියා උත්පාදනය කිරීම තුළින් ඩොලර් මිලියන 200ක සහාය සංචාරක ව්‍යාපාරයට ලබා දෙනු ඇත.
- උතුරු සහ නැගෙනහිර පළාත් වැනි ඓතිහාසික වශයෙන් ඌන සේවා ප්‍රදේශ කෙරෙහි අවධානය යොමු කරමින්, කලාපීය යටිතල පහසුකම් සඳහා ඩොලර් මිලියන 200ක් වැය කෙරේ.
කොළඹ සංචාරයෙන් පසු ලෝක බැංකු සභාපති අජේ බංගා, ශ්‍රී ලංකාව ප්‍රතිසංස්කරණ වේගවත් කිරීමේ සහ පෞද්ගලික ව්‍යවසාය සඳහා අවකාශයක් නිර්මාණය කිරීමේ අවශ්‍යතාව අවධාරණය කළ අතර, ඉදිරි කාලයේදී ශ්‍රම බලකායට ඇතුළු වන මිලියනයක් පමණ වන තරුණයින් සංඛ්‍යාව වෙනුවෙන් නිර්මාණය වන රැකියා ප්‍රමාණයෙහි විශාල අඩුවක් ඇති බව සඳහන් කළේය.
කෙසේ වෙතත්, රජයේ වත්මන් ප්‍රතිපත්ති දිශාව රාජ්‍ය ආධිපත්‍යය දෙසට යොමු වී ඇත. මෙය ලෝක බැංකුවත් සමග සංවර්ධන හවුල්කාරිත්වයේ ගැලපුම පිළිබඳ වැදගත් ප්‍රශ්න මතු කරයි. ප්‍රධාන උදාහරණයක් වන්නේ පෙර පරිපාලනය විසින් හඳුන්වා දුන් ප්‍රගතිශීලී ඉඩම් ලිබරල්කරණ ප්‍රතිපත්තියක් වන උරුමය වැඩසටහන අත්හිටුවීමයි. උරුමය යටතේ, බලපත්‍ර යටතේ රජයේ ඉඩම් වගා කළ ගොවීන්ට සින්නක්කර ඔප්පු නිකුත් කරන ලදී.
ගොවීන් තම අලුතින් අත්පත් කරගත් ඉඩම් විකුණා කෘෂිකාර්මික කම්කරුවන් බවට පත්විය හැකි බවට කනස්සල්ල පළ කරමින්, ය ග්‍රාමීය ස්ථාවරත්වයට තර්ජනයක් විය හැකි පදනමින් වත්මන් රජය වැඩසටහන නතර කළේය. මෙම තීරණය ඉඩම් සහ කෘෂිකාර්මික ප්‍රතිසංස්කරණ පිළිබඳ රාජ්‍ය කේන්ද්‍රීය දැක්මක් පිළිබිඹු කරයි. මෙය සමහර විට ලෝක බැංකුව විසින් අනුමත කරන ලද පෞද්ගලික අංශය සක්‍රීය කිරීමේ ප්‍රවේශයට පටහැනි විය හැකිය.
මෙම පසුබිම තුළ, රජය තම රාජ්‍ය මූලික සංවර්ධන දර්ශනය, වෙළඳපොළ පාදක කරගත් ජාත්‍යන්තර මූල්‍ය ආධාරක රාමුවට ගැලපෙන පරිදි වෙනස් කරගත යුතුය. ග්‍රාමීය ජීවනෝපායන් ආරක්ෂා කිරීමේ අවශ්‍යතාව සහ ආර්ථික පරිවර්තනයේ සහ ආයෝජන මත පදනම් වූ රැකියා උත්පාදනයේ අත්‍යවශ්‍යතාව සමඟ සමතුලිත කර ගත යුතුය.
