සිය රෝහල් පරිශ්රයට හෘද්යා බාධයක් වැලදී අසාධ්ය තත්වයෙන් පැමිණි රෝගියෙකු වැඩිදුර ප්රතිකාර සදහා රෝහල් ගත කිරීමට ගිලන් රථයක් රෝහලේ නොමැතිවීම නිසා සිය මෝටර් රථයෙ නංවාගෙන වැඩි පහසුකම් ඇති රෝහලකට රැගෙන ගොස් දිවි බේරීමට සමත්වු මිහිපිහිට දෙවියෙකුවූ වෛද්යවරයෙකු පිළිබදව අනුරාධපුර මරදන්කඩවල ප්රදේශයෙන් වාර්තා විය.
ඉතා අඩු පහසුකම් සහිත තිරප්පනය ප්රාදේශිය ලේකම් කොට්ඨාශයේ ලබුනෝරූව ගම්මානයේ පිහිටි ලබුනෝරුව ග්රාමිය රෝහලේ සේවයේ නියුතු ස්ථාන භාර වෛද්ය උපුල් කුමාර පියදාස මහතා රෝගියාගේ දිවි බේරා ගැනීමට අවශ්ය කටයුතු කර තිබේ.
ලැබුනෝරුව ගම්මානයේ පදිංචි 40 හැවරදි දෙදරු පියෙකු පසුගිය (30දා) ඔහුගේ ඇගපත අධික තෙහෙට්ටුවට ලක්විම හේතුවෙන් වෛද්ය ප්රතිකාර ලබා ගැනීමට පාපැදියේ නැගි ලබුනෝරුව රෝහල වෙත ගොස් තිබේ.එම අවස්ථාවේ වෛද්යවරයා තවත් රෝගින් පිරිසකට වෛද්ය ප්රතිකාර ලබාදෙමින් සිට ඇති අතර පැමිණි රෝගියා යම් අපහසුතාවකින් පෙලෙනා බව නිරික්ෂණයවී තිබේ.
වෛද්යවරයා විසින් ඔහුව කාමරයට කැදවා ඇති අතර එහිදි වෛද්යවරයාට ඔහු දරුණු හෘද්යා බාධයකින් පෙලෙමින් සිටිනා බව හා ඔහුගේ හදවට රුධිරය සපයන නාල කිහිපයක් අවහිරවි ඇති බව නිගමනයවි තිබේ.
රෝහලට ප්රතිකාර සදහා පැමිණ සිටි රෝගීන්ට වඩා එම රෝගියාගේ ජීවිතය අවදානමේ බව වටහා ගත් වෛද්යවරයා ගිලන් රථයක් නොමැති රෝහලට ගිලන් රථයක අධාර ඉල්ලා සිටිමෙන් රෝගි ජීවිතයට කිසියම් හානියක් සිදුවිය හැකි බව නිගමනය කර වහාම පෞද්ගලික මෝටර් රථයේ රෝගියා නංවාගෙන මරදන්කඩවල රජයේ රෝහලට රැගෙන ගොස් තිබේ.
කිලෝමීටර් 14ක් පමණ දුරකින් පිහිටි මරදන්කඩවල රෝහලට රෝගියා රැගෙන ගොස් එතැන් සිට ගිලන් රථයකින් ඔහුව අනුරාධපුර ශික්ෂණ රෝහලට යැවීමට වෛද්යවරයා කටයුතු කර තිබේ.රෝගියාගේ ඥාතින්වත් දැනුම්වත් කරමින් කාලය මිඩංගු නොකළ වෛද්යවරයා මනුෂ්ය ජීවිතයක ඇති වටිනාකම මැනවින් හදුනාගෙන සේවයට එහා ගිය උතුම් කර්තව්ය සිදුකර තිබේ.
වෛද්යවරයා සිදුකළ සත් ක්රියාව සම්බන්ධයෙන් අදහස් දැක්වු රෝගියාගේ ඥාතියෙකු වන කේ.එස්.ඒ.එන් රාජපක්ෂ මහතා.පසුගිය (30දා) තමයි සිද්ධිය වුනේ.මල්ලි ගිහිල්ලා තියනවා අසනීප වෙලා බෙහෙත් ගන්න.ඒ අවස්ථාවේ තමයි වෛද්ය තුමා ගිලන් රථයක් නැති නිසා ඔහුගේ මෝටර් රථයෙන් මල්ලිව මරදන්කඩවල රෝහලට ගෙනිහිල්ලා තියෙන්නේ.
ඒ වෙනකොට මල්ලිගේ හෘදයේ නාළ තුනක් සියයට 80-70 හා සියයට සියය වශයෙන් අවහිර වෙලා.එතුමා ඥාතින්ටවත් කථා නොකර දෙවියෙක් වගේ ඒ අවස්ථාවේ පිහිට වෙලා.අපි දන්නෙත් සිද්ධිය පැය කිහිපයකට පස්සේ.
අපි අනුරාධපුර ශික්ෂණ රෝහලට යද්දි මල්ලිව සැත්කමකට භාජනය කරලා හෘද දැඩිසත්කාර ඒකකයටත් ඇතුල් කරලා.දෙවියෙකු වගේ පිහිටවූ එතුමා නිසායි මල්ලිගේ ජීවිතය මේ වනවිට බේරිලා තියෙන්නේ යනුවෙන් ඔහු පැවසුවේය.
අනුරාධපුර – මහේෂ් විජේසූරිය
