පරාටේ නීතිය තාවකාලිකව අත්හිටුවන ‘බැංකු මඟින් ප්රදානය කරන ලද ණය අය කරගැනීමේ (විශේෂ විධිවිධාන සංශෝධන) පනත් කෙටුම්පත’ පිළිබඳ විවාදය මැයි 7 දා විවාදයට ගැනීමට පාර්ලිමේන්තු කටුයුතු පිළිබඳ කාරක සභාව තීරණය කර ඇත.
මැයි මස 7 අඟහරුවාදා සිට 10 සිකුරාදා දක්වා පාර්ලිමේන්තුව රැස් වීමට නියමිත බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය. පසුගිය අප්රේල් 26 වැනිදා නියෝජ්ය කථානායක අජිත් රාජපක්ෂ මහතාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී මේ සතියට අදාළ පාර්ලිමේන්තු කටයුතු තීරණය වී ඇත. මේ අනුව 7 අඟහරුවාදා පෙ.ව. 9.30ට පාර්ලිමේන්තුව රැස් වන අතර, පෙ.ව. 9.30- පෙ.ව 10.30 කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇත.
ඉන් පසුව පෙ.ව. 10.30 සිට ප.ව. 5.00 දක්වා බෙදුම් නඩු (සංශෝධන) පනත් කෙටුම්පත (දෙවැනි වර කියවීම), පරාටේ නීතිය 2024 දෙසැම්බර් 15 දක්වා අත්හිටුවනු පිණිස විධිවිධාන ඇතුළත් බැංකු මඟින් ප්රදානය කරන ලද ණය අයකර ගැනීමේ (විශේෂ විධිවිධාන සංශෝධන) පනත් කෙටුම්පත (දෙවැනි වර කියවීම) විවාදය පැවැත්වීමට නියමිතව ඇත. එසේම සත්ය ශ්රී ගණපති භක්ති ජන සේවා පදනම (සංස්ථාගත කිරීමේ) නමැති පෞද්ගලික මන්ත්රී පනත් කෙටුම්පත දෙවැනි වර කියවීම සඳහා ඉදිරිපත් කිරීමටද නියමිතව තිබේ. ඉන් පසුව ප.ව. 5.00 සිට 5.30 දක්වා සභාව කල් තබන අවස්ථාවේ යෝජනාව (ආණ්ඩු පාර්ශ්වය) විවාදයට ගැනීමට නියමිතව ඇත.
2024 මැයි මස 8 බදාදා පෙ.ව. 09.30 ප.ව. 10.00 කාලය අග්රාමාත්යවරයාගෙන් අසනු ලබන ප්රශ්න සඳහා කාලය වෙන් කර ඇත. ඉන් පසුව පෙ.ව. 10.00 සිට පෙ.ව. 10.30 දක්වා වාචික පිළිතුරු අපේක්ෂා කරන ප්රශ්න සඳහා කාලය වෙන් කර තිබේ. අනතුරුව පෙ.ව. 10.30 සිට ප.ව. 5.00 දක්වා රාජ්යතාන්ත්රික වරප්රසාද පනත යටතේ අංක 2348/48 දරන අති විශේෂ ගැසට් පත්රයේ ඇතුළත් නියෝග සහ ඛනිජතෙල් නිෂ්පාදන (විශේෂ විධිවිධාන) පනත යටතේ අංක 2340/02 දරනඅති විශේෂ ගැසට් පත්රයේ පළ කොට ඇති නියෝග විවාදයට ගැනීමට නියමිතව ඇත.
ඉන් පසු ප.ව. 5.00 සිට ප.ව. 5.30 අතර කාලය සභාව කල් තබන අවස්ථාවේ ප්රශ්න සඳහා කාලය වෙන් කර ඇත. 2024 මැයි 9 බ්රහස්පතින්දා පෙ.ව. 9.30 සිට ප.ව. 10.30 කාලය වාචික පිළිතුරු අපේක්ෂා කරන ප්රශ්න සදහා වෙන් කර ඇත. අනතුරුව පෙ.ව.10.30 සිට ප.ව. 5.00 දක්වා සාප්පු හා කාර්යාලීය සේවකයන් පිළිබඳ (සේවය හා වේතන විධිමත් කිරීමේ සංශෝධන) පනත් කෙටුම්පත (දෙවැනි වර කියවීම) විවාදයට පැවැත්වීමට නියමිතව තිබේ. ඉන් පසු ප.ව. 5.00 සිට ප.ව. 5.30 දක්වා සභාව කල් තබන අවස්ථාවේ යෝජනාව (විරුද්ධ පාර්ශ්වය) විවාදයට ගැනේ.
2024 මැයි 10 සිකුරාදා සම්පූර්ණ දිනය වෙන් කර ඇත්තේ අභාවප්රාප්ත හිටපු පාර්ලිමේන්තු මන්ත්රීවරුන්ට ශෝක යෝජනා ඉදිරිපත් කිරීමටයි. මේ අනුව එදින පෙ.ව. 9.30 සිට ප.ව. 5.30 දක්වා අභාවප්රාප්ත හිටපු මන්ත්රීවරුන් වන යූ.එල්.එම්. ෆාරුක්, අසෝක ජයවර්ධන සහ ගාමිණී ජයවික්රම පෙරේරා මහත්වරුන් පිළිබඳ ශෝක යෝජනා ඉදිරිපත් කිරීමට කාලය වෙන් කර ඇත.
