මියන්මාරයේ සයිබර් ක්‍රිමිනල් ඒරියා නමින් හඳුන්වන ප්‍රදේශයේ කඳවුරුවල බලහත්කාරයෙන් රඳවා සිටින ශ්‍රී ලාංකිකයන් බේරාගැනීම සඳහා සාකච්ඡා පවත්වන පසුබිමක තවත් ශ්‍රී ලාංකිකයකු එම ප්‍රදේශයට රැගෙන ගොස් ඇති බවට තොරතුරු වාර්තා වෙයි.
පරිගණක ක්ෂේත්‍රයේ රැකියා සඳහා ගිය ශ්‍රී ලාංකිකයන් 56 දෙනකු එම ප්‍රදේශයේ කඳවුරු කිහිපයක බලහත්කාරයෙන් රඳවාගෙන සිටින බවට වාර්තා වන අතර, එවැනි තත්ත්වයක් පවතින අවස්ථාවක තවත් ශ්‍රී ලාංකිකයකු එම ස්ථානයට ගොස් තිබෙන බවද කොටු වී සිටින පිරිස බේරාගැනීම සඳහා මියන්මාර රජය සහ බිම්ස්ටෙක් රටවල් සමඟ සාකච්ඡා කරන බවද විදේශ කටයුතු අමාත්‍යාංශය සඳහන් කරයි.
