මෙවර ආරම්භ වන 2024-2025 ශ්රිපාද වන්දනාව උදුවප් පුන් පොහෝය යෙදෙන මේ මස 14වන දින ආරම්භව 2025 වෙසක් පුන් පොහෝය දින දක්වා පැවැත්වෙනු ඇත.
මෙවර ශ්රිපාද වන්දා වාරය ආරම්භ කිරිම සදහා ශ්රි සුමන සමන් දේව ප්රථිමාව සදාතුක කරඩුව, දේව ආභරන ඇතුළු පුජා භාන්ඩ වැඩම කරවිම මේ මස 13වන දින උදැසන පැල්මඩුල්ල ගල්පොත්තාවෙල රාජ මහ විහාරස්ථානයේ සිට මාර්ග හතරක් ඔස්සේ පෙරහර හතරකින් ශ්රිපාද මහ මළුද දක්වා වැඩම කරවිමට පියවර ගෙන ඇත.
මෙම පෙරහැර හතර බලංගොඩ බගවන්තලාව, කුරුවිට, පලාබද්දර, අවිස්සාවේල්ල හැටන් මාර්ග ඔස්සේ ශ්රිපාදස්ථානය දක්වා ගමන් කරන අතර අවිස්සාවේල්ල හැටන් මාර්ගය ඔස්සේ ගමන් කරන සමන් දේව ප්රථිමාව රැගත් පෙරහැර සදහා පුජඋපහාර දැක්විම සදහා සඹරගමුව හා මධ්යම පලාත් මායිම වන ගිනිගත්හේන කලුගල ප්රදේශයේදි 13වන දින රාත්රි වීශේෂ පුද පුජාවන් පවත්වා එම පෙරහැර පිලිගැනිමට අඹගමුව ප්රාදේශීය ලේකම් කාර්යාලය මගින් සැලසුම් කර ඇති බව එහි නිලධාරියකු පවසන ලදි.
ඉන් අනතුරුව එම පෙරහැර පදුපොල, ගිනිගත්හේ, දියගල, වටවල, හැටන් නොර්වුඩ්, මස්කෙළිය හරහා නල්ලතන්නියට පැමිනෙන අතර මෙම ප්රදේශවලදි එම පෙරහැරට පුජඋපහාර දැක්විම සදහා එම ප්රදේශවල බැතිමතුන් පියවර ගැනිමට මේ වන විට සංවිධානය වෙමින් පවති.
මෙම පෙරහැර හැටන් නගරයට පැමිනෙන විට හැටන් මල්ලිඅප්පුව මංසන්ධියේදි හා හැටන් නගර මධ්යයේදි වීශේෂ පුද පුජාවන් පැවැත්විමට පියවර ගෙන ඇති අතර 13වන දින රාත්රියේදි හැටන් මල්ලිඅප්පුව සමන් දේවාල බාර කාර මණ්ඩලයේ සභාපති හිටපු පාර්ලීමේන්තු මංත්රි කේ. කේ. පියදාස මහතාගේ ප්රධානත්වයෙන් බත් දන්සැලක් ද, හැටන් රුවන් පුර ගම්වාසින්ගේ ප්රධානත්වයෙන් රෝටි දන්සැලක්ද, හැටන් මුලස්ථාන පොලිසියේ අනුග්රහායෙන් බිස්කට් හා කෝපි දන්සැලක්ද, හැටන් දික්ඔය නගර සභාව මගින් හැටන් නගර මධ්යයේ කඩල දන්සැලක්ද පැවැත්විමට පියවර ගෙන ඇති බව එම සංවිධාන කමිටු පවසති.
13වන දින රාත්රියේ නල්ලතන්නියට වැඩම කරනු ලබන සමන් දේව ප්රථිමාව නල්ලතන්නිය සිට ශ්රිපාද මහ මළුව දක්වා වැඩම කරවිම ලක්ෂපාන යුධ හමුදා කදවුරේ නිලධාරින් විසින් සිදු කරන අතර 14වන දින උදැසන සමන් දේව ප්රථිමාව සදාතුඩ කරඩුව ඇතුළු දේව ආභරණ ශ්රිපාද මහ මළුවේ තැන්පත් කර පුද පුජා පැවැත්විමෙන් අනතුරුව 2024—2025 ශ්රිපාද වන්දනාව ආරෙම්භ වනු ඇත.
මනුර සුදත් සෙල්ලහේවා – හැටන්
