රාජ්ය හා පෞද්ගලික බැංකු වල ස්වයංක්රීය ටෙලර් යන්ත්ර ගෑස් කටරයක් භාවිතා කර බිදිමින් මුදල් සොරා ගැනීමේ නිරතවූ දිවයිනේ ප්රසිද්ධ පෞද්ගලික සමාගමක රියදුරෙකු පොලොන්නරුව මින්නේරියේ සිදුකළ ලක්ෂ හැත්තෑවක සොරකමක් සම්බන්ධයෙන් අත්අඩංගුවට ගෙන අධිකරණයට ඉදිරිපත් කිරිමෙන් පසුව මේ මස (18දා)දක්වා රක්ෂිත බන්ධනාගාර ගත කරනා ලෙස අනුරාධපුර ප්රධාන මහේස්ත්රාත් අතිරේක දිසා විනිසුරු නාලක සංජීව ජයසූරිය මහතා (04දා)නියෝග කළේය.
මෙසේ රක්ෂිත බන්ධනාගාර ගත කෙරුණේ ස්වයංක්රීය ටෙලර් යන්ත්ර වලට මුදල් ප්රවාහනය කරන දිවයිනේ ප්රසිද්ධ සමාගමක හිටපු රියදුරෙකු වන කටියාව එප්පාවල හා පල්ලම පුත්තලම ලිපිනයන් හි පදිංචි විවාහ තුනක් සිදුකරගෙන සිටිනා බව කියන විසි නව හැවිරිදි අයෙකි.
සැකකරු අධිකරණයට ඉදිරිපත් කළ අනුරාධපුර මූලස්ථාන පොලිසියේ නඩු මෙහෙයුම් අංශයේ ස්ථානාධිපති පොලිස් පරික්ෂක එච්.එම්.කේ යසරත්න මහතා කියා සිටියේ සැකකරු අනුරාධපුර හෙද විදුහළ ආසන්නයේ පිහිටි රාජ්ය බැංකුවක ටෙලර් යන්ත්රය බිදීමට උත්සහ කිරීම සම්බන්ධයෙන් පරික්ෂණ සිදුකරමින් සිටියදි ඔහු පොලොන්නරුව මින්නේරිය යුදහමුදා කදවුර ආසන්නයේ වූ ටෙලර් යන්ත්රය බිද රුපියල් ලක්ෂ 70ක් සොරා ගැනීමට අත්අඩංගුවට ගැනීමට හැකිවූ බවයි.
සැකකරු බැංකු ටෙලර් යන්ත්ර සදහා මුදල් රැගෙන යන ආයතනයක රියදුරෙකු වශයෙන් කලක් සේවය කර තිබෙනා බවත් ඔහු ගෑස් කටර් ඇතුළු මෙවලම් යොදා ගෙන ටෙලර් යන්ත්ර අළුත් වැඩියා කරනා ආකාරයට ඒවායේ සේප්පු බිද තිබෙනා බව පොලිසිය අධිකරණයට දැන්වුවේය.අනුරාධපුර හෙද විදුහල ආසන්නයේ පිහිටි යන්ත්රය බිදීමට ඔහු ගත් උත්සාහය තාක්ෂණික දෝෂයක් හේතුවෙන් වැලකි ඇති බව පොලිසිය අධිකරණයට දැන්වුවේය.
සැකකරු විසින් කුඩා ලොරි රථයකින් මේවලම් රැගෙන ගොස් ටෙලර් යන්ත්ර බිද තිබෙනා බවත් ඒ ඔස්සේ කළ පරික්ෂණ වලදි මින්නේරියේ මෙන්ම අනුරාධපුරයේ ටෙලර් යන්ත්ර බිදීමට ඔහු සම්බන්ධවි ඇති බව තහවුරු කරගෙන පුත්තලම පොලිස්වසමේ පල්ලම ප්රදේශයේදි අත්අඩංගුවට ගැනීම සිදුකළ බව පොලිසිය අධිකරණයට දැන්වුවේය.
සැකකරු විසින් සිදුකළ ටෙලර් යන්ත්ර බිදිමෙන් පසුව එම සේප්පුවේ තිබි රුපියල් ලක්ෂ 70ක් සොරා ගෙන ඇති බවත් එම මුදල් වලින් රුපියල් ලක්ෂ 24ක් උපයෝගි කරගෙන කුඩා ලොරි රථයක් තවත් රුපියලක් ලක්ෂ නමයක් යොදාගෙන අධිවේගි යතුරු පැදියක් හා නිවසට අවශ්ය උපකරන රැසක් මිලදි ගෙන ඇති බවත් ඒවා නඩු භාණ්ඩ ලෙස අත්අඩංගුවට ගෙන තිබෙනා බවත් පොලිසිය අධිකරණයට දැන්වුවේය.
සිදුකළ ප්රශ්න කිරීම් වලදි සැකකරු නිවසේ සගවා තිබී සොරාගත් මුදලින් රුපියල් 29ලක්ෂ අසූ දහසක් පොලිසිය සොයා ගෙන තිබෙනා බවත් සැකකරු සම්බන්ධයෙන් තවදුරටත් විශේෂ විමර්ශනයක් සිදුකරනා බව පොලිසිය අධිකරණයට දැන්වුවේය.
පොලොන්නරුව මින්නේරිය යුද හමුදා කදවුර ආසන්නයේ වූ මුදල් යන්ත්රය බිදීම සම්බන්ධයෙන් පොලොන්නරුව පොලිසියට අවශ්ය සිටින සැකකරු ඉදිරි නඩු දිනයේදි පොලොන්නරුව අධිකරණයේ පැවත්වෙන හදුනා ගැනීමේ පෙරට්ටුවට අවශ්ය බැවින් ඔහුව ආවරණ සහිතව ඉදිරිපත් කරනා ලෙස විනිසුරුවරයා අනුරාධපුර බන්ධනාගාරයේ අධිකාරි රෝහණ පී අජිත් මහතාට නියෝග කළේය.
සැකකරු සම්බන්ධයෙන් තවදුරටත් විමර්ශන සිදුකර එහි ප්රගතිය සම්බන්ධයෙන් ඉදිරි දිනයේදි වැඩිදුර වාර්ථාවකින් අධිකරණයට කරුණු වාර්තා කරනා ලෙස විනිසුරුවරයා පොලිසියට වැඩිදුරටත් නියෝග කළේය.
අනුරාධපුර මූලස්ථාන පොලිසියේ අපරාධ විමර්ශන අංශයේ පොලිස් පරික්ෂක ජී විදානගමගේ පොලිස් සැරයන්වරුන් වන අනුර 31154 චන්දන 16446 ප්රියන්ත 37452 පොලිස් කොස්තාපල්වරුන් වන ගුණසේන 35532 අජිත් 70066 යන නිලධාරින් විමර්ශන සිදුකර තිබුණි.
අනුරාධපුර මහේෂ් විජේසුරිය
