වේල්ල වීදියේ අනියම් පෙම්වතියගේ මළ සිරුරක් අතැර ගොස් අවසානයේ සියදිවි නසාගත් ආන්දෝලනයට තුඩුදුන් බුත්තල උප පොලිස් පරීක්ෂක 50 හැවිරිදි ප්‍රේමසිරි සිය බිරියට ලියූ අවසන් ලියුම සම්පූර්ණයෙන් ප්‍රසිද්ධ කිරීමට එම විමර්ශන නිලධාරීන් මේ වනවිට කටයුතු කර තිබේ.
එම ලියුමේ ඝාතනයට ලක්වූ කාන්තාව ‘එස් අයි අංකල්‘ යයි තමා අමතමින් තමාට ළංවූ ආකාරයත් අනතුරුව ඇය බිරිය හා දරුවන්ට බණිමින් ඔවුන් අතෑර ඇය වෙත එන ලෙස ඇවිටිලි කළ බවත් සටහන් කොට තිබේ.
පිටු 04 කින් සමන්විත එම ලිපියෙන් තමන් සහ ඝාතනයට ලක්වූ තරුණියගේ දැන හැඳුනුම්කම ඇතිවූ අයුරු සහ ඉන් තමන්ට අත්විදීමට සිදුවූ ගැටලු සම්බන්ධයෙන් ඔහු සටහන් කර තිබෙන අතරම තමන් නිසා විදීමට සිදුවූ සිත් වේදනාවන් සම්බන්ධයෙන් ඔහු සිය බිරිඳ ගෙන් සමාවද අයැද තිබෙනවා.
බිරියව ඔහු අමතන්නේ ‘අම්මා‘ ලෙසිනි. සම්පූර්ණ ලිපිය පහතින්
‘අම්මාට,
මට සමාවෙන්න මගේ ජීවිතේ පණ මගේ පවුල. මොන විදිහෙ වැඩ කළත් මම එක දුන්නෙ පවුලට. එය එසේ වෙද්දී si අංකල් si අයි අංකල් කියමින් මගේ මිතුරෙකුගේ දියණියක් මට ළං වුණා. එයා දැනගත්තා මගේ ළමයින්ට මං කොච්චර ආදරේද කියලා.
මුලදි ලොකුවට නොවුණට පසුව ඒ දරුවටත් මගේ දරුවෙකුට වගේම සලකන්න ගියා. එය එහෙම කරන්න මට බෑ. කියපු හැමදේම කරා.ඉල්ලපු හැමදේම දුන්නා.පසුව ඔයාටයි ළමයින්ටත් එයා බනින්න පටන් ගත්තා. මට එපා වුණා. නවත්තමු මේ සම්බන්ධෙ කීවා. එහෙම බෑ කියල නොයෙක් දේ කිව්වා. ඒක ඔයා දන්නවා.
ඔයාගෙ තරහ කේන්තිය ගෑනියෙක් හැටියට සාධාරනයි.
ඒත් දැන් මං නීතියේ වරද කාරයෙක් වෙලා. කවුරුත් නොදන්න තැනකට ගිහින් මේ දේ කරගන්න තිබ්බා.
එහෙම වුණොත් මාව හොයාගන්නකම් ඔයාලට පොලිසියෙන් වද දෙයි. ඒ නිසා මම පොලිසියට පේන්න කරගන්නවා.
අවනම්බුවක් වෙයි. ඉවසලා වැඩ කරන්න.
මම දන්නවා ඔයා ශක්තිවන්ත ගැහැනියක් කියලා. ලෝකේ ගැන නොදැන නෙවෙයි මං මේකට පැටලුනේ. එත් දැන් ඉතිරි වෙල නෑ කිසි දෙයක්. ඔයා හිතින් විඳපු වේදනා මම මගේ ජිවිතෙන්ම විඳිනවා.ඒක මගේ වරද.මම නැති උනාට ඔයාලා බලා ගන්න කෙනෙක් ඇති
අවුරුදු ගාණක් හිරබත් කන්න වෙයි. මං ප්ලෑන් කරලා කරපු දෙයක් නෙමෙයි. ඇත්තෙන්ම එහෙම නොවෙන්න තිබුණනම් හොඳයි කියල හිතෙනවා.
මගේ ළමයි තුන්දෙනා එක්ක සතුටින් ඉන්න. ටික කලක් යනකොට දුක ඇරිලා යයි.ලෝකේ ඇතිවෙනවා. පවතිනවා. නැතිවෙනවා.ඒකයි ලෝක ධර්මය. දැනට මාව සීඅයිඩී එකින් හොයනවා.
පොලිසිය ආවොත් ඇත්ත තත්ත්වේ කියන්න.
කාලයක් තිස්සෙ වුණදේ. ආදරේ කිය කිය ඉඳලා වෛර කළා. මට සමාවෙන්න.
කාලයක් තිස්සෙ වුණදේ. ආදරේ කිය කිය ඉඳලා වෛර කළා. මට සමාවෙන්න.
(සිය බැංකු ගිණුම් විස්තර හා රහස් අංකද ඔහු ලියුමේ සටහන් කර ඇත)
දුරගමනක් යනවා.. බුදුසරණයි කතරගම දෙවියන්ගෙ පිහිටයි. මොනතරම් නින්දා අපහාස ආවත් මහමෙරක් වගේ උසුලගෙන දරුවො එක්ක ඉන්න. අම්මාගේ තුන්මාස දානෙ කරන්න. මට එන්න බැරිවෙයි.
– ප්‍ර‍ෙමේ
සබැදි පුවත්
